![](https://www.rashtradeepika.com/library/uploads/2020/04/manju-warrier-dance.jpg)
മലയാളത്തിലെ ലേഡി സൂപ്പർ സ്റ്റാറാണ് മഞ്ജു വാര്യർ. അഭിനയത്തിൽ മാത്രമല്ല നൃത്തത്തിലും സംഗീതത്തിലുമെല്ലാം താരം തന്റെ കഴിവ് തെളിയിച്ചിട്ടുണ്ട്.
ശാലീന സുന്ദരിയായി മലയാളത്തിൽ അരങ്ങേറ്റം കുറിച്ച താരം ഇപ്പോൾ ഏത് തരം വേഷവും കൈകാര്യം ചെയ്യും. ഇപ്പോൾ താരവും മറ്റുള്ളവരെ പോലെ വീട്ടിൽ ക്വാറന്ൈറനിലാണ്. എല്ലാ താരങ്ങളെയും പോലെ താരവും കൊറോണ വ്യാപനത്തിനെതിരേ ബോധവത്ക്കരണവുമായി എത്തിയിരുന്നു.
എന്നാൽ പല താരങ്ങളും തങ്ങളുടെ ബോഡി ഫിറ്റ്നെസ് നിലനിർത്താൻ വർക്കൗട്ട് വീഡിയേകളുമായി എത്തിയപ്പോൾ നൃത്ത വീഡിയോകൾ പങ്കുവച്ചുകൊണ്ടാണ് മഞ്ജുവെത്തിയത്. ക്വാറന്ൈറൻ സമയത്തും ഡാൻസ് പ്രാക്ടീസ് നിർത്താൻ താരം ഒരുക്കമല്ല. ഡാൻസ് പ്രാക്ടീസ് ചെയ്യുന്ന താരത്തിന്റെ വീഡിയോകൾ ആരാധകരുമായി പങ്കുവയ്ക്കാറുമുണ്ട്.
ഇപ്പോഴിതാ നൃത്തദിനത്തിൽ ആശംസയുമായെത്തിയിരിക്കുകയാണ് താരം. മനോഹരമായൊരു ചിത്രത്തോടൊപ്പമായിരുന്നു മഞ്ജുവിന്റെ ആശംസ. നൃത്തം ചെയ്യുന്ന തന്റെ ചിത്രമാണ് താരം പങ്കുവച്ചത്. അന്തരീക്ഷത്തിൽ പറന്നുയർന്നു നിൽക്കുന്ന രീതിയിലുള്ള ചിത്രമാണ് മഞ്ജു പോസ്റ്റ് ചെയ്തത്.
നർത്തകർക്ക് എന്തിനാണ് പറക്കാൻ ചിറകുകൾ എന്നാണ് മഞ്ജു ചിത്രം പങ്കുവെച്ചുകൊണ്ട് ചോദിക്കുന്നത്. താരങ്ങൾ ഉൾപ്പെടെ നിരവധി ആരാധകരാണ് താരത്തിന്റെ പോസ്റ്റിന് കമന്റുമായി എത്തിയിരിക്കുന്നത്.
നടി ഭാവന, ശ്രിന്ദ, പാരിസ് ലക്ഷ്മി, നേഹ എന്നീ നടിമാരാണ് താരത്തിന്റെ പോസ്റ്റിന് കമന്റുമായി എത്തിയിരിക്കുന്നത്. അതേസമയം ചേച്ചി സൂപ്പർ എന്നാണ് താരത്തിന്റെ ചിത്രത്തിന് ഒരു ആരാധകന്റെ കമന്റ്. അതേസമയം മഞ്ജു മാത്രമല്ല നിരവധി മറ്റ് താരങ്ങളും നൃത്ത ദിനത്തിൽ ആശംസയുമായെത്തിയിട്ടുണ്ട്.